اسلام آباد (حماد حسن) ڊسمبر ۾ فيض حميد جي حوالي سان ڪا وڏي خبر اچڻ جو امڪان نه آهي، پر جنوري جي پهرئين يا ٻئي هفتي ۾ اهم اڳڀرائي ٿي سگهي ٿي. فيض حميد جا انڪشاف ايترا ڇرڪائيندڙ نه هوندا جيترا اندازا لڳايا پيا وڃن، پر اهي عمران خان لاءِ مسئلا پيدا ڪري سگهن ٿا. عمران خان جي حوالي سان ڳالهين ۾ سندس ڀيڻ عليما خان سرگرم آهي ۽ اسلام آباد ۾ لاڳيتو موجود رهي آهي. رابطا اڪثر عليما خان ۽ هڪ ويجهي دوست جي ذريعي ٿي رهيا آهن. ان دوران پاڪستان کان ٻاهر هڪ عورت به ملڪ آئي جنهن جو تعلق هڪ بااثر عورت سان آهي، ۽ اها به عمران خان لاءِ رليف ڳولڻ جي ڪوشش ۾ شامل آهي. عمران خان لاءِ رليف ان ڳالهه تي دارومدار رکندو ته هو ڪجهه شرطن کي مڃي ٿو يا نه. جيڪڏهن هو ڳالهين ۾ لچڪ ڏيکاريندو ته کيس ڪجهه رليف ملي سگهي ٿو، پر سندس سخت رويو برقرار رهيو ته ايندڙ ڏينهن ۾ سندس لاءِ صورتحال وڌيڪ ڏکي ٿي سگهي ٿي. ٻئي طرف، بشريٰ بي بي سان ڳالهيون بند آهن ۽ گنڊاپور سان رڳو صوبي جي معاملن تائين محدود رابطا آهن. موجوده صورتحال ۾ اهو واضح ناهي ته ڳالهيون ڪهڙي رخ ۾ وڌنديون.
