لنڊن( پ ر) ورلڊ سنڌي ڪانگريس انساني حقن جي عالمي ڏينهن تي سنڌي ماڻهن جي بنيادي حقن جي جدوجهد لاءِ پنهنجي پڪي ارادي جو ورجاءُ ڪندي چيو آهي ته اسان چيئرپرسن ڊاڪٽر لکو لوهاڻي جي اڳواڻي ۾ سنڌين تي ٿيندڙ انساني حقن جي مسلسل ڀڃڪڙين، جبري گمشدگي، عدالت کان مٿاهن قتلن ۽ اظهار جي آزادي کي دٻائڻ جي خلاف متحد آهيون. اسان سنڌين سان پنهنجي ئي وطن ۾ ٿيندڙ منظم تعصب، مت ڀيد ۽ پسماندگيءَ جي مذمت ڪيون ٿا. اسان مطالبو ٿا ڪريون ته سنڌ جي وسيلن جي ڦرلٽ کي ختم ڪيو وڃي. ورلڊ سنڌي ڪانگريس سڀني سنڌين لاءِ انصاف ۽ برابري جي حصول ۾ ثابت قدم رهي. اسان سنڌين جي انساني حقن جي سڃاڻپ ۽ تحفظ لاءِ عالمي سطح تي آواز بلند ڪندا رهنداسين.
