ڪراچي (رپورٽر)سنڌ هاءِ ڪورٽ ۾ دائود يونيورسٽي آف انجنيئرنگ اينڊ ٽيڪنالوجي ۾ اڳوڻي وي سي جي دور ۾ 18 گريڊ جي آفيسرن جي غير قانوني ڀرتين واري ڪيس جي ٻڌڻي ٿي .عدالت دائود انجنئرنگ يونيورسٽي جي وي سي کي ڪنهن به قسم جي ڀرتي ۽ جوائننگ ڏيڻ کان روڪي ڇڏيو . عدالت ايندڙ ٻڌڻي تي چيف سيڪريٽري سنڌ ، سيڪريٽري يونيورسٽيز اينڊ بورڊ ، وي سي دائود انجنئرنگ يونيورسٽي ۽ ٻين ڌرين کان جواب طلب ڪري ورتوآهي . عدالت اينٽي ڪرپشن جي جاچ آفيسر کي رپورٽ سميت 24 ڊسمبر تي ذاتي حيثيت ۾ طلب ڪري ورتو آهي .هن کان اڳ عدالتي حڪم تي اينٽي ڪرپشن کاتي اڳوڻي وي سي فيض الله عباسي جي دور ۾ 2014 کان 2022 تائين غيرقانوني 18 گريڊ ۾ ڀرٿي ٿيل آفيسرن جو وي سي دائود يونيورسٽي کان ريڪارڊ طلب ڪري ورتوآهي.
