پنوعاقل (رپورٽ: رستم انڍڙ)پني عاقل لڳ ڳوٺ قاسم انڍڙ جو رهواسي نوجوان زڪريا عرف لالو انڍڙ ولد دائود انڍڙ کي ڪراچي جي ڀينس ڪالوني واري علائقي ۾ اڻسڃاتل هٿياربندن گولين هڻي قتل ڪري ڇڏيو. ان سلسلي ۾ مقتول جي وارثن ٻڌايو ته موٽر سائيڪل تي سوار ٽن اڻ سڃاتل هٿياربندن رستو روڪي گوليون هڻي زخمي ڪيو ويو ھو ، نوجوان کي زخمي حالت ۾ جناح اسپتال ڪراچي نيو ويو جتي هن دم ڏنو، نوجوان جو مڙه قانوني ڪارروائي بعد هاليجوي شريف ۾آندو ويندو، اسان جو پاڻ ۾ جهيڙو هلندڙ آهي زڪريا مٿان ٻن ڄڻن جو قتل ڪيس داخل ٿيل ھو.مقتول جي والد دائود انڍڙ وڌيڪ چيو ته خدشو آهي دشمني تحت پت کي قتل ڪيو ويو آهي.
