سڀ وکون ولولن کان وانجهيل هن؟
همتون حوصلن کان وانجهيل هن؟
تون ٿو سمجهين اسان جون للڪارون
ڪڙڪندڙ زلزلن کان وانجهيل هن!؟
ساڀيان سانگي
هي تنهنجي بابي خواب ڏٺا
۽ کڙندي سرخ گلاب ڏٺا
۽ ڇا ڇا تن جا تاب ڏٺا
تون تن جي سهڻي ساڀيا آن
او روماسا او منهنجي امان !
هي جهيڙو آهي جنمن جو
هي پنڌ نه آ چند قدمن جو
هي ليکو آهي نسلن جو
ڪيئن چڪتو ٿيندو پئي ڏسجان
او روماسا او منهنجي امان !
هي جل جل جيڪا مشعل آ
هر روشن پنهنجي محفل آ
جو تو سان گڏ سو پاڳل آ
تون ٻاگهي آن ۽ تون مرکان
او روماسا او منهنجي امان !
حاجي ساند
