اسلام آباد(م ڊ) ڪالم نگار جاويد چوڌري موجوده سياسي صورتحال بابت وڏا انڪشاف ڪيا آهن، سندس چوڻ آهي ته يوٽيوبر وٽ جيڪي به تفصيل هئا اهي جنرل فيض حميد جي موبائيل فون ذريعي وڃي رهيا آهن، گنڊاپور ۽ فيض حميد جيل ۾ عمران خان سان ملاقات ٿي آهي. پر ان جي تصديق نه ڪئي وئي.هڪ ٽي وي پروگرام ۾ ڳالهائيندي جاويد چوڌري جو چوڻ هو ته هڪ ٻي ڳالهه اها به گردش ڪري رهي آهي ته گنڊاپور ۽ فيض حميد عمران خان سان جيل ۾ مليا هئا، ۽ اها ڳجهي ملاقات هئي. هي ڊرائنگ روم گپ شپ آهي پر ان جي تصديق نه ڪئي وئي آهي. هن وڌيڪ چيو ته جڏهن سڀني کي خبر پئي ته ملوث ماڻهن کي گرفتار ڪيو ويو، جيڪي ملوث آهن انهن جي توهان کي به خبر آهي، فيض جي گرفتاري سبب گنڊاپور پريشان آهي ۽ فيض حميد سان رابطي ۾ هو، ان لاءِ هن وقت رابطو ڏکيو ٿي ويو آهي.
