ڪراچي(رپورٽر)ڪراچي ۾ پريا ڪماري بازيابي ڪميٽي طرفان معصوم نياڻي پريا ڪماري، ڪراچي مان 4 مهينا اڳ گم ٿيل نياڻي سويرا چانڊيو، جيڪب آباد مان 2 سال اڳ اغوا ٿي ويل معصوم صدام لاشاري جي بازيابي ۽ عوامي آواز جي رپورٽر شهيد نصرالله گڏاڻي، سينئر صحافي جان محمد مهر جي مک قاتلن جي گرفتاري لاءِ ڪراچي پريس ڪلب آڏو احتجاجي مظاهرو ڪري ڌرڻو هنيو ويو، مظاهرين هٿن ۾ پلي ڪارڊ کڻي سخت نعريبازي ڪئي وئي، احتجاجي مظاهري ۾ معصوم نياڻي سويرا چانڊيو جي امڙ روزينا چانڊيو، جيڪب آباد مان اغوا ٿي ويل نويد لاشاري جي ڀاءُ وحيد لاشاري، لياقت جلباڻي، سهڻي پارس، يونس مهر، ڊاڪٽر برما جسراڻي ۽ ٻين مختلف مڪتب فڪر جي ماڻهن شرڪت ڪئي. ان موقعي تي ميڊيا سان ڳالهائيندي مظاهرين چيو ته 3 سال گذري ويا آهن هن وقت تائين معصوم پريا ڪماري بازيابي نه ٿي سگهي آهي، جيڪب آباد مان 2 سال اڳ اغوا ٿيل نويد لاشاري کي هن وقت تائين پوليس بازياب ڪرائڻ ۾ ناڪام آهي، 4 مهينا اڳ ڪراچي مان گم ٿي ويل معصوم نياڻي سويرا چانڊيو کي پوليس نه ڳولي سگهي آهي، سنڌ اندر روز بروز امن امان جي صورتحال خراب ٿيندي ٿي وڃي،
