بنون(م ڊ) بنون ۾ امن جرگيءَ جو ڌرڻو ٻئي ڏينهن به جاري آهي پر انٽرنيٽ ۽ موبائيل سروس محدود هجڻ سبب شهرين کي مشڪلاتن کي منهن ڏيڻو پئجي رهيو آهي. مقامي صحافين موجب شهر ۾ حالتون معمول تي آهن پر معلومات جي پهچ ۾ رڪاوٽون آهن. هن وقت تائين، مقامي انتظاميه ڳالهين ۾ ڪنهن به اڳڀرائي بابت نه ٻڌايو آهي. هوڏانهن تحريڪ انصاف جي اڳواڻن بنون عوام جي ڌرڻي ۾ شريڪ ماڻهن سان ملاقات ڪئي آهي. خيبرپختونخواهه جي صوبائي وزير پختون يار خان چيو آهي ته اڄ صوبائي اسيمبلي ۾ آپريشن عزم استحڪام خلاف ٺهراءُ پيش ڪيو ويندو. پختون يار خان پريس ڪانفرنس ڪندي چيو ته هن وڏي وزير کي درخواست ڪئي آهي ته جاچ شروع ڪئي وڃي، مان پاڻ شاهد ٿي ويندس. منهنجي مٿان اسٽيج تي فائرنگ ٿي رهي هئي. جنهن سان به زيادتي ڪئي وئي، جيڪڏهن عوام مان ڪو به هو ته ان کي به سزا ڏني ويندي. گذريل رات پريس ڪانفرنس دوران پنهنجي بيان ۾ شهريار آفريدي چيو ته تحريڪ انصاف جا 7 ايم اين ايز ۽ صوبائي اسيمبلي ميمبر هتي موجود آهن، هن بنون امن جرگي جي حمايت جو اعلان ڪيو آهي. شاندانا گلزار چيو ته سيڪيورٽي فورسز ۽ عوام ٻئي رياست آهن. رياست رياست تي قبضو نٿو ڪري سگهي. جيڪڏهن رياست عوام تي هٿ وڌندي ته اسان عوام سان گڏ وينداسين ڇو ته انهن کي غلطي ڪرڻ جي اجازت آهي.
