ڪراچي (رپورٽ: حفيظ ڦلپوٽو)سنڌ جي گهرو وزير ضياءُ الحسن لنجار ڊي آءِ جي سي ٽي ڊي جي آفيس جو تفصيلي دورو ڪيو ۽ ڪائونٽر ٽيررازم ڊپارٽمينٽ (سي ٽي ڊي) پاران ڏوهارين/دهشتگرد عنصرن ۽ ٻين سنگين ڏوهن ۾ ملوث جوابدارن خلاف منعقد ڪيل اجلاس جي اغراض و مقاصد کان آگاهي ڏني. مجموعي ڪارڪردگي جو جائزو ورتو. ٻئي طرف سنڌ جي گهرو وزير پاران هٿيارن جي ڊيلرن جا لائسنس ڊجيٽلائيز ڪرڻ جي هدايت ڪئي وئي آهي، ضياءُ الحسن لنجار مدرسن جي ڊيٽا گڏ ڪرڻ ۽ جيو ٽيگنگ جي حوالي سان قدمن کي يقيني بڻائڻ جي به هدايت ڪري ڇڏي.
