ڪراچي (رپورٽر )سنڌ جي توانائي واري صوبائي وزير سيد ناصر حسين شاهه ميٽرڪ جي امتحانن دوران لوڊشيڊنگ سبب شاگردن جي حالت خراب ۽ بيهوش ٿيڻ جي خبرن جو سخت نوٽيس وٺندي سيڪريٽري توانائي سنڌ مصدق احمد خان کي هدايت ڪئي آهي ته هو ڪي-اليڪٽرڪ، حيسڪو ۽ سيپڪو جي اعليٰ عملدارن سان ڳالهائي ميٽرڪ جي امتحانن دوران سمورن امتحاني مرڪزن ۾ بنا وقفي بجلي جي فراهمي کي يقيني بڻائيندي سمورن امتحاني مرڪزن ۾ لوڊشيڊنگ نه ڪئي وڃي. توانائي واري صوبائي وزير ناصر حسين شاهه جي هدايت تي توانائي واري سيڪريٽري مصدق احمد خان فوري طور تي ڪي اليڪٽرڪ، حيسڪو ۽ سيپڪو جي لاڳاپيل سي اي اوز سان رابطو ڪري ناصر شاهه جي خدشن ۽ هدايتن کان آگاهه ڪيو.
