ڪراچي( رپورٽر ) اي ٽي سي اڳوڻي ايس ايس پي عمران قريشي، ڊي ايس پي عمير طارق سميت 8 اهلڪارن جا گرفتاري وارنٽ جاري ڪري ڇڏيا. تفصيل موجب شهري منصور شيخ اڳوڻي ايس ايس پي، ڊي ايس پي ۽ ٻين اهلڪارن خلاف ڦر ۽ اغوا جي الزام ۾ دهشتگردي ٽوڙ عدالت ۾ درخواست داخل ڪرائي آهي.
وڪيل عدالت کي ٻڌايو ته پوليس اهلڪارن شهري منصور شيخ کي اغوا ڪري خانگي جاءِ تي رکيو هو، جنهن بعد منصور شيخ جي گهرڀاتين کان ڀنگ به گهريو هو. عدالت درخواست تي ٻڌڻي ڪندي جوابدارن جا 2-2 لک رپين جا ضمانتي گرفتاري وارنٽ جاري ڪري ڇڏيا.
