لاهور(پ ر) جماعت اسلامي جي نائب امير لياقت بلوچ چيو آهي ته قومي چونڊون ڌانڌلي زده تڪراري ۽ جمهوري نظام تي داغ آهن، جماعت اسلامي اليڪشن ڌانڌلي تي وائيٽ پيپر جاري ڪندي.نتيجارد ڪيون ٿا جمعي تي احتجاج ڪيو ويندو. چيف اليڪشن ڪمشنر دٻاءُ جي آڏو جهڪي ويو نگران وزيراعظم ڌانڌلي جي تحقيقات جي لاءِ سپريم ڪورٽ ۾ عدالتي ڪميشن جي تشڪيل لاءِ ريفرنس داخل ڪري.ترجمان جماعت اسلامي قيصر شريف سان گڏ منصوره ۾ پريس ڪانفرنس ڪندي چيو ته ملڪ ۾ تقسيم ۽ عدم استحڪام ۾ اضافو ٿيو آهي لياقت بلوچ چيو ته جماعت اسلامي مجموعي طور تي 25 لکن کان مٿي ووٽ کنيا آهن پر 47 فارم ۾ گهٽ ڪري قومي اسيمبلي ۾ 14 لک ۽ صوبائي اسيمبلي ۾ 17لک کان گهٽ ڪيا ويا.
