ڪراچي (م ڊ) جماعت اسلامي جي ڪراچي اليڪشن سيل انچارج طرفان اليڪشن ڪمشنر سنڌ کي خط لکيو ويو آهي. جماعت اسلامي خط ۾ چيو آهي ته انٽرنيٽ ۽ موبائل سروس بند ڪرڻ سان ڌانڌلي جو خدشو وڌي ويو آهي. خط ۾ جماعت اسلامي خدشو ظاهر ڪيو آهي ته موبائيل فون سروس بند ڪرڻ هڪ وڏي سازش جي نشاندهي آهي. خط ۾ چيو ويو ته پولنگ اسٽيشنن جو وڏو انگ آهي جتي پولنگ شروع ناهي ٿي سگهي. جماعت اسلامي جي خط موجب ووٽر قطارن ۾ بيٺل رهيا ۽ پولنگ اسٽيشنن تي عملو نه هو.
