اسلام آباد (م ڊ) توشا خانه تحفن جي درست قيمت جاچڻ جو نظام موجود نه هجڻ جو انڪشاف ٿيو آهي، نيب جي جاچ کان پوءِ جاري ڪيل رپورٽ ۾ سعودي ولي عهد کان پي ٽي آءِ باني ۽ بشري بي بي کي مليل تحفن جي قيمت ۽ ادائگي جي تفيصل جي حوالي سان انڪشاف ڪيو ويو آهي. نيب جي هيءَ رپورٽ 31 ڊسمبر 2023ع تي پڌري ٿي هئي. نيب جي رپورٽ ۾ تحفن جي قيمت جاچڻ جو نظام موجود نه هجڻ جو انڪشاف ڪيو ويو آهي. نيب جي رپورٽ مطابق 3 ارب 16 ڪروڙ روپين جي تحفن جي قيمت پاڪستان ۾ هڪ ڪروڙ 80 لک روپيا لڳائي وئي، رپورٽ ۾ چيو ويو ته اڌ رقم 90 لک ادار ڪري تحفا پي ٽي آءِ باني ۽ بشري بي بي ر کي ڇڏيا، پاڪستان ۾ ڪوئي ادارو سعودي شهزادي کان مليل گراف جيولري سيٽ جي قيمت نه ڄاڻي سگهيو، رپورٽ ۾ نيب ٻڌايو ته دبئي مان ڪاٿو لڳرائڻ تي پتو پيو ته خزاني کي هڪ ارب 58 ڪروڙ 37 لک روپين جو نقصان پهتو آهي. ايف بي آر ۽ ڪوليڪٽوريٽ آف ڪسٽمز جي ڪاميٽي قيمت لڳائڻ کان لاچاري ظاهر ڪئي.
