اسلام آباد (م ڊ) توشه خانه ۽ 190 ملين پائونڊ ريفرنسز ۾ جيل ٽرائل خلاف درخواستن تي فيصلو محفوظ ڪيو ويو آهي، اسلام آباد هاءِ ڪورٽ پي ٽي آءِ باني عمران خان خلاف 190 ملين پائونڊ ۽ توشه خانه نيب ريفرنسز ۾ جيل ٽرائل خلاف درخواست تي فيصلو محفوظ ڪري ورتو، اسلام آباد هاءِ ڪورٽ جي چيف جسٽس عامر فاروق ۽ جسٽس طارق محمود جهانگيري تي ٻڌل بينچ پي ٽي آءِ باني جي 190 ملين پائونڊ ۽ توشه خانه نيب ريفرنسز ۾ جيل ٽرائل خلاف درخواستن تي ٻڌڻي ڪئي، تحريڪ انصاف جي باني جي وڪيل شعيب شاهين دليلن ۾ چيو ته ريفرنس داخل ناهي ٿيو ۽ ٽرائل جو نوٽيفڪيشن جاري ٿي ويو، ان عمل ۾ ضروري جلد بازي واضح آهي،
