اسلام آباد (م ڊ) نگران وزيراعظم انوار الحق ڪاڪڙ ايندڙ عام چونڊن ۾ سيڪيورٽي انتظامن جي نگراني لاءِ ڪاميٽي ٺاهي ڇڏي آهي. ان حوالي سان جاري ڪيل نوٽيفڪيشن مطابق ڪاميٽي ۾ گهرو سيڪريٽري سميت چئني صوبن جا چيف سيڪريٽريز شامل هوندا. نوٽيفڪيشن ۾ٻڌايو ويو ته ڪامِيٽي 7 ميمبرن تي ٻڌل آهي. جڏهن ته مواصلات وارو وزير ڪاميٽي جو ڪنوينر هوندو، ڪاميٽي چونڊن جي بهتر اهتمام لاءِ اليڪشن ڪميشن جي هدايتن تي عمل ڪندي ۽ اضافي سڪيورٽي جي هنگامي ضرورت تي هدايتون به جاري ڪندي.
