اسلام آباد(م ڊ) سپريم ڪورٽ آف پاڪستان اسلام آباد هاءِ ڪورٽ جي اڳوڻي جج شوڪت عزيز صديقي جي برطرفي خلاف اپيل ٻڌڻي لاءِ مقرر ڪري ڇڏي آهي، جنهن جي ٻڌڻي 5 رڪني لارجر بينچ ڪندي. سپريم ڪورٽ پاران جاري ڪيل ڪاز لسٽ موجب چيف جسٽس قاضي فائز عيسيٰ جي سربراهي ۾ 5 رڪني لارجر بينچ اڳوڻي جج شوڪت عزيز صديقي جي اپيل تي 23 جنوري تي ٻڌڻي ڪندي. لارجر بينچ ۾ جسٽس امين الدين خان، جسٽس جمال خان مندوخيل، جسٽس سيد حسن اظهر رضوي ۽ جسٽس عرفان سعادت به شامل آهن.
