سگريٽ پيئڻ جي عادت ته هر ملڪ جي ماڻهن ۾ هوندي آهي، اصولي طور تي ڏٺو وڃي ته اهڙي عمل جو ڪو به فائدو ته ناهي تنهن باوجود به وڏي انگ ۾ ماڻهو ان عادت ۾ مبتلا آهن، سگريٽ پيئڻ سان ٿيندڙ نقصانن جي باوجود ايڏي وڏي آبادي کي خطرن جي منهن ۾ ڪيئن ڇڏي سگهجي ٿو؟ اهو ئي سوال سائنسدانن لاءِ وڏي عرصي کان ڳڻتيءَ جو سبب هو ۽ اهي اهڙي ڪا شيءَ ڳولڻ يا ٺاهڻ جي ڪوشش ۾ هئا جيڪا سگريٽ جي موالي ماڻهن کي سگريٽ واپرائڻ جي باوجود ان جي خطرن کان بچائي، جنهن ڪوشش سائنسدانن نيٺ پائي تڪميل تي پڄائيندي هڪ اهڙو ٻوٽو دريافت ڪيو آهي جيڪو سگريٽ ڇِڪيندڙن لاءِ تمام فائديمند ثابت ٿئي ٿو.
