اسلام آباد(م ڊ) پرڏيهي آفيس جي ترجمان ممتاز زهرا بلوچ واضح ڪيو آهي ته پاڪستان ۽ ڀارت وچ ۾ ڪي به ڳالهيون نه ٿي رهيون آهن،ڊان نيوز جي نمائندي عبدالله مومند سان ڳالهائيندي پرڏيهي آفيس جي ترجمان ممتاز زهرا بلوچ چيو ته ڀارت ۽ پاڪستان جا لاڳاپا هميشه پيچيده رهيا آهن جڏهن ته ٻنهي ملڪن وچ ۾ ڳالهيون نه ٿيون آهن.هن چيو ته پاڪستان خير سگالي جي جذبي سان نه رڳو ڀارتي ماهيگيرن کي آزاد ڪيو پر سک ياترين کي ويزا پڻ جاري ڪيا.
