ڪراچي(رپورٽر) سنڌ جي نگران وڏي وزير جسٽس (ر) مقبول باقر چيو آهي ته سنڌ فوڊ اٿارٽي جو بنيادي ڪم معاشري ۾ کاڌي پيتي جي شين جي حفاظت ۽ معيار کي برقرار رکڻ آهي پر فوڊ اٿارٽي پنهنجي ڪارڪردگي ڏيکارڻ ۾ ناڪام وئي آهي. هن فوڊ اٿارٽي جي ڊائريڪٽر جنرل کي هدايت ڪئي ته هو ٻن هفتن اندر جامع انسپيڪشن ۽ آپريشنل پلان تيار ڪري وزيراعليٰ هائوس سيڪريٽريٽ کي اماڻي ۽ پنهنجي کاتي جي باقاعدي ڪارڪردگي رپورٽ پڻ موڪليندو رهي. وڏي وزير چيو ته سرڪاري اسپتالن، خانگي اسپتالن، ميڊيڪل ڪاليجن ۽ ايستائين جو آئس فيڪٽرين، مٺائين جي دڪانن، بيڪرين ۽ کير وڪڻندڙ دڪانن ۽ ۽ ذبح خانن ۾ کاڌي جي حفاظت، معيار ۽ صفائي جو خاص خيال ناهي رکيو ويو. هن وڌيڪ چيو ته اهو فوڊ اٿارٽي جو ڪم آهي ته هو معائنو ڪري حفاظت ۽ معياري عمل کي يقيني بڻائي
