سئول (ويب ڊيسڪ) هڪ تحقيق مان خبر پئي آهي ته سمارٽ فون جو چئن ڪلاڪن کان وڌيڪ استعمال نوجوانن کي صحت جي مسئلن ۾ مبتلا ڪري سگھي ٿو.
ڏکڻ ڪوريا جي هين يانگ يونيورسٽي ۾ ٿيل هڪ تحقيق ۾ 2017ع کان 2020ع وچ ۾ 50 هزار جي ويجهو ڪورين شهرين کان ٻه ڊگھا سوال ناما ڀرايا ويا.
هڪ سوال نامي ۾ انهن کان سندن جسماني ۽ ذهني صحت بابت پڇاڳاڇا ڪئي وئي جڏهن ته ٻئي ۾ هنن پنهنجي سمارٽ فون استعمال جي وقت بابت ٻڌايو.
جرنل پي ايل او ايس ون ۾ ڇپيل مطالعي ۾ محققن سوال نامن مان حاصل ٿيل ڊيٽا کي استعمال ڪندي سمارٽ فون جي استعمال ۽ صحت تي پوندڙ ان جي اثرن وچ ۾ واسطي جو (عمر،جنس،سماجي ۽ معاشي رتبي جو خيال رکندي) جائزو ورتو ويو.
تحقيق ۾ خبر پئي ته اهي ماڻهو جيڪي روز هڪ کان ٻن ڪلاڪن جي وچ ۾ فون استعمال ڪندا هئا انهن ۾ ڊپريشن، آپگهات جا خيال، ننڊ جا مسئلا، ذهني دٻاءُ ۽ شراب واپرائڻ جي عادت جا خطرا فون بلڪل استعمال نه ڪندڙن جي ڀيٽ ۾ گھٽ هئا.
پر، اهي ماڻهو جيڪي چئن ڪلاڪن کان وڌيڪ وقت فون کي ڏيندا هئا انهن ۾ اهڙن ذهني صحت جي مسئلن ۽ نشي آور شين جي استعمال جي شرح ڊوائيس جو مناسب استعمال ڪندڙن جي ڀيٽ ۾ 22 سيڪڙو وڌيڪ هئا.
تحقيق جي ليکڪن رپورٽ ۾ لکيو ته آپگهات جي ڪوشش جي خلاف فون جو هڪ کان ٻن ڪلاڪن وچ ۾ استعمال محفوظ آهي. نتيجن موجب روز سمارٽ فون جو ٻن ڪلاڪن کان گھٽ استعمال ذهني صحت تي بلڪل به استعمال نه ڪرڻ جي ڀيٽ ۾ وڌيڪ فائديمند اثر رکي ٿو.
تحقيق ۾ ڏٺو ويو ته اهي نوجوان جيڪي ٻن ڪلاڪن کانگھٽ وقت سوشل ميڊيا تي ڏين ٿا انهن ۾ ذهني دٻاءَ جا خطرا 30 سيڪڙو، ننڊ جا مسئلا 27 سيڪڙو، ڊپريشن جا امڪان 38 سيڪڙو، آپگهات جا خيال 43 سيڪڙو ۽ شراب واپرائڻ جي عادت جا امڪان 47 سيڪڙو گھٽ هئا.
You might also like