ڪراچي ( رپورٽر ) ڪراچي سائيٽ سپر هاءِ وي ٿاڻي تي ڪچا پڪا روڊ تي النور سوسائٽي ويجهو پوليس جو ڏوهارين سان مقابلو اسٽريٽ ڪرائم جي وارداتن ۾ ملوث هڪ جوابدار زخمي ٿي پيو، زخمي سميت 3 رڪني گينگ کي گرفتار ڪيو ويو، ايس ايس پي اوڀر عرفان بھادر موجب گرفتار جوابدار ڦر جي وارداتن ۾ انتهائي گهربل آهن، گرفتار جوابدارن ۾ ٻه ويجها ڀائر به شامل آهن جوابدار واقعي جي ارادي سان وڃي رهيا هئا ته گشت تي موجود پوليس کين چيڪنگ لاءِ روڪڻ جي ڪوشش ڪئي، جوابدارن پوليس کي ڏسندي ئي فائرنگ شروع ڪري ڏني، فائرنگ جي ڏي وٺ کانپوءِ پوليس گهربل جوابدار ريحان پٽ محمد رمضان کي سندس ساٿين راحيل پٽ محمد رمضان ۽ دانش پٽ عبدالرحيم زخمي حالت ۾ گرفتار ڪري ورتو.
نگران وڏي وزير پاران ڪرم پور روڊ حادثي تي ڏک جو اظهار
ڪراچي (رپورٽر ) سنڌ جي نگران وڏي وزير جسٽس (ر) مقبول باقر ڪرمپور ويجهو روڊ حادثي ۾ قيمتي انساني حياتين جي نقصان تي ڏک جو اظهار ڪيو آهي. هن لاڳاپيل اختيارين کي هدايت ڪئي ته زخمين کي فوري طور تي طبي امداد فراهم ڪئي وڃي. فوتين جي ڪٽنب سان ڀرپور سهڪار ڪيو وڃي . واضح رهي ته اهو حادثو انڊس هاءِ وي تي تيز رفتار ٽرڪ جو ٻن مسافر ويگنن سان ٽڪر سبب پيش آيو جنهن ۾ 7 ڄڻا فوت ٿي ويا .
آءِ جي سنڌ پاران حادثي جي زخمين کي اسپتال منتقل ڪرڻ جي هدايت
ڪراچي(رپورٽر) آءِ جي سنڌ پوليس رفعت مختار راجا ڪنڌ ڪوٽ انڊس هاءِ وي تي روڊ حادثي بعد ايس ايس پي ڪنڌ ڪوٽ کي ريسڪيو جون هدايتون جاري ڪندي چيو آهي ته زخمين کي هنگامي بنيادن تي ويجهي اسپتال منتقل ڪيو وڃي . هن چيو ته بروقت ۽ تڪڙا قدم کڻندي رستي کي ٽريفڪ لاءِ ڪليئر ڪيو وڃي ۽ روڊ حادثن کي روڪڻ لاءِ ضروري قدم کنيا وڃن.
