اسلام آباد(م ڊ) سپريم ڪورٽ آف پاڪستان بحريا ٽائون جي ادائيگين واري ڪيس ۾ لکت ۾ حڪم جاري ڪري ڇڏيو، عدالت بحريا ٽائون کي نااهل قرار ڏيندي پرڏيهه مان آيل 190 ملين پائونڊ ۽ گڏ ڪيل قسطون ضبط ڪرڻ جو حڪم ڏئي ڇڏيو. سپريم ڪورٽ جي لکت واري حڪم ۾ چيو ويو ته پرڏيهه مان شڪي پئسو سپريم ڪورٽ ۾ رکڻ غلط عمل آهي. لکت واري حڪم ۾ وڌيڪ چيو ويو آهي ته سپريم ڪورٽ غير ضروري طور تي ضبط ڪيل رقم ۾ ملوث ٿي، اين سي اي ضبط ڪيل رقم شايد ڏوهاري سرگرمين مان حاصل ڪيل رقم هئي. سپريم ڪورٽ پنهنجي حڪم ۾ چيو آهي ته پرڏيهه مان پئسا موڪليندڙن کي نوٽيس جاري ڪيا ويا پر مشرق بئنڪ کانسواءِ ڪو به سامهون نه آيو ته اها رقم سپريم ڪورٽ جي اڪائونٽ ۾ ڇو موڪلي وئي. لکت واري فيصلي ۾ چيو ويو ته اها رقم بظاهر بحريا ٽائون جي ذميواري پوري ڪرڻ لاءِ استعمال ڪئي وئي. فيصلي ۾ پرڏيهه مان ايندڙ پئسن لاءِ ”پطرس کي ڦرڻ ۽ پوليس کي ڏيڻ“ جو اصطلاح استعمال ڪيو ويو. فيصلي ۾ چيو ويو آهي ته پرڏيهه مان حاصل ٿيندڙ رقم ۽ ان مان حاصل ٿيندڙ منافعو پاڪستان حڪومت کي موڪليو وڃي. سپريم ڪورٽ لکت واري فيصلي ۾ بحريا ٽائون کي قسطون ادا نه ڪرڻ تي نااهل قرار ڏئي ڇڏيو. فيصلي ۾ چيو ويو ته بحريا ٽائون رضامندي واري معاهدي تحت باقيدار آهي، بحريا ٽائون معاهدي جي مد ۾ قسطون اڪائونٽ ۾ جمع نه ڪرايون، بحريا ٽائون رضامندي واري آرڊر جو باقيدار آهي. فيصلي ۾ چيو ويو ته رجسٽرار جي اڪائونٽ ۾ رقم رکڻ جو ڪو سبب ناهي، رقم سنڌ جي عوام جو آهي، ان کي سنڌ حڪومت ڏانهن موڪليو وڃي.
