خيرپور(رپورٽ مختيار ڦلپوٽو) خيرپور ويجهو ڪرم آباد اسٽاپ وٽ 2 مسافر ڪوچون ٽڪرائجڻ سبب حادثو ٿيو آهي، حادثو ڪوچن وچ ۾ اوورٽيڪ ڪرڻ سبب پيش آيو، نتيجي ۾ ٻن نينگرن سميت ٽي ڄڻا فوت ٿي ويا جڏهن ته 33 مسافر زخمي ٿي پيا. حادثي بابت ٻڌايو پيو وڃي ته برسات ۽ ڪوهڙي هجڻ باوجود تيز رفتار مسافر ڪوچون اوور ٽيڪ ڪري رهيون هيون ته هڪ ٻئي سان ٽڪرائجي ويون، جنهن سبب هڪ ڪوچ ڪلٽي ٿي پئي. ڪوچ ڪلٽي ٿيڻ محمد عمر، محمد فيضان ۽ مسمات راڻي ٿڏي تي ئي فوت ٿي ويا جڏهن ته 33 مسافر زخمي ٿيا. فوتين ۽ زخمين کي سول اسپتال خيرپور منتقل ڪيو ويو. حادثي جي زخمين ۾ غلام سڪينه، مائي تنوير بي بي، شهناز، شازيا، محمد نعيم، محمد وسيم، عادل ڀٽي، الله بچايو، يوسف، مهرين عدنان، بانو بيگم، حديثا خاتون، محمد عرفان، نديم راجپوت ۽ ٻيا شامل آهن. جن مان 5 ڄڻن جي حالت ڳڻتي جوڳي ٻڌائي پئي وڃي.
