ڪراچي ( رپورٽر ) ڪراچي سي ٽي ڊي بئنڪن مان نڪرندڙ شهرين کان ڦر ڪندڙ گروهه جي سربراه سميت ٽن جوابدارن کي گرفتار ڪري ورتو، ڪراچي جي علائقي ڪورنگي زمان ٽائون ۾ سي ٽي ڊي انويسٽيگيشن ڳجهي اطلاع تي ڪارروائي ڪئي. ڪارروائي دوران 3 رڪني گينگ کي گرفتار ڪيو ويو، جوابدارن ۾ ادريس عرف چاندي، ممتاز علي ۽ قربان علي شامل آهن. انچارج سي ٽي ڊي چوڌري صفدر جو چوڻ هو ته جوابدار ادريس چاندي جي گرفتاري لاءِ 5 لک رپيا انعام مقرر ڪيو ويو آهي، دريس چاندي سکر ۾ قتل، قتل جي ڪوشش، اغوا ۽ ڀنگ جي وارداتن ۾ ملوث آهي. چوڌري صفدر چيو ته جوابدار ادريس چاندي کي به سي ٽي ڊي 2015ع ۾ گرفتار ڪيو هو . سي ٽي ڊي انچارج موجب گرفتار جوابدارن جاچ دوران مختلف علائقن ۾ ڦرون ڪرڻ جو اعتراف ڪيو آهي.
