اسلام آباد(بيورو+م ڊ) اسلام آباد هاءِ ڪورٽ پي ٽي آءِ چيئرمين عمران خان کي جيل ۾ سهولتن جي فراهمي بابت درخواست تي اڊيالا جيل جي سپرنٽينڊنٽ کي نوٽيس جاري ڪرڻ باوجود پيش نه ٿيڻ تي شوڪاز نوٽيس جاري ڪندي وڪيلن کي بناروڪ ٽوڪ عمران خان سان ملاقات جي اجازت ڏيڻ جو حڪم ڏئي ڇڏيو، ڊپٽي اٽارني جنرل ارشد محمود ڪياني ۽ عظمت بشير تارڙ دير سان عدالت ۾ پهتا، جسٽس گل حسن اورنگزيب چيو ته سڀ ماڻهو نواز شريف جي آمد تي جشن ملهائي رهيا آهن ۽ مٺايون ورهائي رهيا آهن، ڪير اچي عدالت جي به مدد ڪندو؟عدالت چيو ته توهان سڀني کي نواز شريف جي پيل آهي، ڇا توهان ان جي استقبال لاءِ ويندا؟
