لاڙڪاڻو(ڊ ر) لاڙڪاڻي ڀرسان ڪارو ڪاري جي الزام هيٺ ٻٽو قتل، جوابدار پنهنجي ڀائيٽي ۽ نوجوان کي قتل ڪري ڇڏيو، پوليس جوابدار کي گرفتار ڪري پوسٽ مارٽم بعد لاش وارثن حوالي ڪندي جاچ شروع ڪري ڇڏي، تعلقي ٿاڻي جي حد انڌهي موري ويجهو ڳوٺ ميوو شيخ ۾ جوابدار ڪارنهن الزام هيٺ جميل احمد ولد نواز عمراڻي ۽ پنهنجي ڀائيٽي شبانه ڌيءَ حبدار عمراڻي کي گوليون هڻي قتل ڪري ڇڏيو، اطلاع تي پوليس پهچي واقعي بابت تفصيل وٺي جوابدار الله ڏنو ولد ٻڍل عمراڻي کي هٿيار سميت گرفتار ڪرڻ بعد لاڪپ ڪري ڇڏيو، پوليس رابطي ڪرڻ تي ٻڌايو ته اهڙو واقعو گذريل رات دير سان پيش آيو جنهن ۾ جوابدار الله ڏنو عمراڻي ڪارنهن الزام هيٺ پنهنجي ڀائيٽي شبانه ۽ نوجوان جميل احمد عمراڻي کي قتل ڪيو آهي ٻٽي قتل جي اطلاع تي پوليس بروقت پهچي جوابدار کي هٿيار سميت گرفتار ڪري سرڪار جي فرياد تي سندس مٿان ٻٽي قتل جو ڪيس داخل ڪري ڇڏيو، پوليس وڌيڪ ٻڌايو ته گرفتار جوابدار مقتولا شبانه جو چاچو آهي.
