اسلام آباد(م ڊ) ناڻي واري اڳوڻي وفاقي وزير اسحاق ڊار چيو آهي ته ٽرٿ ڪميشن 2011 کان سڀ ڪجهه ڏسندي، ٻيا به ڪيترائي نالا سامهون ايندا، جن 2011 ۾ عمران خان کي مينار پاڪستان ۾ لانچ ڪيو، هن تي سيڙپڪاري ڪئي وئي، 2014 کان 2018 جي وچ ۾ ڪيترائي سينيئر ماڻهو پنهنجن ادارن ۾ موجود هئا ۽ هڪ ٻئي پٺيان منصوبي کي اڳتي وڌايو.هن چيو ته نواز شريف جي وطن واپسي کان اڳ سندس حفاظتي ضمانت وٺنداسين، نواز شريف جي گرفتاري جو ڪو به امڪان ناهي، هو واپس اچي مينار پاڪستان تي جلسي کي خطاب ڪندو.اسحاق ڊار چيو ته بهترين بدلو انهن سان هوندو جن هڪ سازش تحت هن ملڪ کي تباهه ڪيو، .هن چيو ته انهن ڪردارن کي بهترين سبق ڏئي سگهجي ٿو ته معيشت کي بحال ڪيو وڃي، جنهن جو نتيجو اڄ عوام ڀوڳي رهيو آهي .
