ماڙي جلباڻي واقعو انساني حقن جي ڀڃڪڙي آهي:جيئي سنڌ محاذ

ڪراچي (پ ر) جيئي سنڌ محاذ جي سترهين ٽينيوئر جي سينٽرل ايگزيڪيوٽوڪميٽي جو ٽيون اجلاس پهرين آڪٽوبر  2023 تي پارٽي جي مرڪزي آفيس سنڌ سينٽر سچل ڳوٺ ڪراچي ۾ پارٽي چيئرمن عبدالخالق جوڻيجو جي صدارت ۾ ٿي گذري جنهن ۾ وائس چيئرمن پرفيسر امير چانڊيو، جنرل سيڪريٽري هاشم کوسو، پريس سيڪريٽري اياز هڪڙو۽ ماليات سيڪريٽري نور سولنگي شرڪت ڪئي، اجلاس ۾ سڪرنڊ ۾ ڳوٺ ماڙي جلباڻي ۾  رينجرز ۽ پوليس طرفان ٿيل آپريشن جي شديد لفظن ۾ مذمت ڪئي وئي ۽ واقعي ۾ شهيد ٿيل 4 ڄڻن جي ڏک ۾ ٻن منٽن تائين خاموشي اختيار ڪئي وئي، عبدالخالق جوڻيجو ۽ ٻين اجلاس ۾ چيو ته عام ڳوٺاڻن تي بنا ڏوهه جي گوليون هلائڻ هڪ غير آئيني عمل ۽ انساني حقن جي ڀڃڪڙي آهي، ماڙي جلباڻي ۾ جيئن انڌا ڌنڌ فائرنگ ڪري ماڻهو ماريا ويا اهو عمل پنهل چانڊيو ڳوٺ، ٽوڙي ڦاٽڪ ۽ ٽنڊو بهاول جو تسلسل آهن، ڌاري آبادڪاري سنڌ لاءِ وجودي مسئلو بڻجي وئي آهي ان خلاف هڪ ڊگهي جدوجهد جي ضرورت آهي.

 

You might also like
Leave A Reply

Your email address will not be published.