سڪرنڊ:جيئي سنڌ محاذ جي چيئرمين رياض چانڊيو چيو ته ماڙي جلباڻي واقعي جي شهيدن جي جاچ لاءِ وزير اعليٰ سنڌ مقبول باقر کي ڪنهن هائي ڪورٽ جي جج کان ڪرائڻ گهرجي. باقي ڪمشنر ۽ ٻين تي جيڪا ڪاميٽي جوڙي ويئي آهي اها جعلي ۽ بي اختيار آهي جنهن کي قبول نه ڪيو ويندو. وزير داخلا کي استعيفا ڏيڻ گهرجي. جيڪڏهن ڳوٺ ۾ خودڪش موجود هئا ته حڪومت وٽ جديد ٽيڪنالاجي آهي اهي دهشتگرد ڪڏانهن ويا صرف ڳوٺاڻن کي شهيد ڪيو ويو آهي. سنڌ جي ماڻهن سان اها ويساهه گهاتي هلندي رهي ٿي.
