ڪراچي (رپورٽر) پاڪستان پيپلزپارٽي جي چيئرمين بلاول ڀٽو زرداري سان پ پ اڳواڻ خورشيد شاهه بلاول هائوس ۾ ملاقات ڪئي، بلاول ڀٽو زرداري ۽ سيد خورشيد شاهه جي وچ ۾ ملڪ سياسي صورتحال تي ڳالهه ٻولهه ٿي، ملاقات ۾ بلاول ڀٽو زرداري جو چوڻ هو ته پيپلزپارٽي ضمني چونڊن ۾ نام نهاد مقبوليت جي دعويٰ ڪندڙ مخالف سياسي جماعت کي عبرتناڪ شڪست ڏني، هن چيو ته پاڪستان پيپلزپارٽي سنڌ جي بلدياتي چونڊن ۾ پوري صوبي مان ڪلين سوئپ ڪيو، هن چيو ته پاڪستان پيپلزپارٽي عوام جي طاقت سان وقت جي ظالم حڪومت کي جمهوري هٿيار استعمال ڪندي اقتدار کان ٻاهر ڪيو، پيپلزپارٽي ملڪ جي سياسي قيادت کي وقت جي ظالم حڪومت خلاف گڏ ڪيو، هن چيو ته پاڪستان پيپلزپارٽي جي سنڌ سرڪار سنڌ جي صحت جي شعبي ۾ مثالي ڪارڪردگي جو مظاهرو ڪيو، اسان وڏا ترقياتي ڪم ڪرايا، انشاءَ الله اقتدار ۾ اچي سنڌ جي مثالي عوامي ترقياتي منصوبن جي طرز تي پوري ملڪ ۾ پراجيڪٽس شروع ڪنداسين.
