اسلام آباد(بيورو+م ڊ) سينيٽ سيڪريٽريٽ چيو آهي ته سينيٽر تاج حيدر طرفان سينيٽ اجلاس لاءِ پيش ڪيل ريڪوزيشن ۾ گهربل ميمبرن جو انگ پورو ناهي، آئيني تقاضائون پوريون نه هجڻ سبب سينيٽ اجلاس کي طلب نٿو ڪري سگهجي. سومر ڏينهن سينيٽ سيڪريٽريٽ مطابق سينيٽ چيئرمين اجلاس لاءِ آئيني تقاضائون پوريون ٿيڻ جو منتظر آهي، سينيٽ سيشن جي درخواست لاءِ آئيني شرط پورا نه آهن. آئيني تقاضائون پوريون ٿيندي ئي سينيٽ جو اجلاس طلب ڪيو ويندو.
