اسلام آباد(م ڊ) اسلام آباد هاءِ ڪورٽ سڪرنڊ ڪيس ۾ پاڪستان تحريڪ انصاف (پي ٽي آءِ) جي چيئرمين عمران خان جي ضمانت واري درخواست تي ان ڪئميرا ٻڌڻي جي درخواست تي فيصلو محفوظ ڪري ورتو آهي. اسلام آباد هاءِ ڪورٽ جي چيف جسٽس عامر فاروق ڪرپشن ڪيس ۾ پي ٽي آءِ چيئرمين جي ضمانت واري درخواست تي ٻڌڻي ڪئي. درخواستگذار طرفان بئريسٽر سلمان صفدر عدالت ۾ پيش ٿيو، جڏهن ته سائفر ڪيس ۾ پراسيڪيوٽر ايف آءِ اي شاهه خاور ايڊووڪيٽ به عدالت ۾ پيش ٿيو. ٻڌڻي دوران پراسيڪيوٽر شاهه خاور ايڊووڪيٽ چيو ته ٽرائل آفيشل سيڪريٽس ايڪٽ تحت هلي رهيو آهي، چاهيان ٿو ته درخواستگذار جو وڪيل دليل پيش ڪري ۽ پوءِ ڪجهه معروضات عدالت ۾ پيش ڪري.
