اسلام آباد (م ڊ) آرمي چيف جنرل عاصم منير چيو آهي ته اسلام ۾ انتهاپسندي جي گنجائش ناهي، مهذب معاشري ۾ ڪنهن کي به قانون هٿ ۾ کڻڻ جي اجازت ناهي، بشپس چرچز آف پاڪستان جي صدر آزاد مارشل جي قيادت ۾ 13 رڪني وفد جي ايڇ ڪيو جو دورو ڪري آرمي چيف سان ملاقات ڪئي، آءِ ايس پي آر جو چوڻ آهي ته آرمي چيف قومي ترقي ۾ مسيحي برادري جي ڪردار جي واکاڻ ڪئي، آرمي چيف جنرل عاصم منير چيو ته اسلام امن جو دين آهي، اسلام توڙي مهذب معاشرن ۾ عدم برداشت ۽ انتهاپسندي جي ڪا به گنجائش نه آهي
