گهوٽڪي (ڊ ر)گهوٽڪي ويجهو ڌاڙيلن طرفان 130 نمبر پوليس پڪٽ ڀرسان ايندڙ ويندڙ گاڏين مٿان فائرنگ، هڪ ڄڻو قتل ٿي ويو، ٽي ڄڻا زخمي ٿي پيا، بي سيڪشن ٿاڻي جي حد ايم فائيو موٽروي تي 130 پوليس پڪٽ ڀرسان ڌاڙيلن پاران موٽروي تي ايندڙ ويندڙ گاڏين کان ڦرلٽ ڪرڻ بعد ٽرڪ ڊرائيور کي اغوا ڪرڻ جي ڪوشش ڪئي وئي، ٽرڪ ڊرائيور جي رڙين تي ڳوٺاڻا پهچي ويا، ڳوٺاڻن ۽ ڌاڙيلن جي آمهون سامهون ڏيڍ ڪلاڪ تائين فائرنگ جاري رهي، ڌاڙيلن جي فائرنگ ۾ باقر ڪلهوڙو قتل ٿي ويو، در محمد شاهجان، عمران ڪلهوڙو ۽ ٽرڪ ڊرائيور عديل زخمي ٿي پيا، زخمين کي ڳوٺاڻا ۽ پوليس اسپتال کڻي آيا، مقتول جو مڙهه ضروري ڪارروائي بعد وارثن حوالي ڪيو ويو، ڳوٺاڻن موجب پوليس گهڻي دير بعد پهچڻ تي ڌاڙيلن اسان جي همراهه کي قتل ۽ ٻين کي زخمي ڪري فرار ٿيڻ ۾ ڪامياب ٿي ويا، قاتلن کي گرفتار ڪيو وڃي.
