ڪراچي (رپورٽر) سنڌ جي نگران وڏي وزير جسٽس (ر) مقبول باقر ايڪسائيز اينڊ ٽيڪسيشن کاتي کي هدايت ڪئي آهي ته ڊرگس مافيا خلاف آپريشن شروع ڪيو وڃي، وڏي وزير جسٽس (ر) مقبول باقر وزيراعليٰ هائوس ۾ ايڪسائيز، ٽيڪسيشن ۽ نارڪوٽڪس ڪنٽرول کاتي جي اجلاس جي صدارت ڪئي، اجلاس ۾ وڏي وزير جو پرنسپل سيڪريٽري آغا واصف، سيڪريٽري ايڪسائيز عاطف رحمان، ڊي جي ايڪسائيز وحيد شيخ ۽ ٻين شرڪت ڪئي. وڏي وزير کي ٻڌايو ويو ته ايڪسائيز کاتي پاران لڳايل اوڳاڙيل ٽيڪسن ۾ موٽر وهيڪل ٽيڪس، انفراسٽرڪچر سيس، ايڪسائيز ڊيوٽي، پيشي، واپار، ڪالنگ ۽ ملازمت، تفريحي ڊيوٽي ۽ ڪاٽن فيس شامل آهن. سنڌ جي وڏي وزير کي ٻڌايو ويو ته ايڪسائيز کاتي جي ڪاميابي جنهن ۾ آن لائين سسٽم/پورٽل آن لائين سروسز ۽ موٽر گاڏين جي ٽيڪس جي ادائيگي متبادل ترسيل ميڪنزم ذريعي آڪٽوبر 2020ع ۾ شروع ٿي آهي. وڏي وزير کي ٻڌايو ويو ته امپورٽ ٿيل گاڏين جي رجسٽريشن لاءِ امپورٽ دستاويزن جي آن لائن تصديق پڻ ڪئي ويندي آهي ته جيئن جعلي دستاويزن کي منهن ڏيڻ ۽ ان کي پلگ ڪيو وڃي, وڏي وزير ايڪسائيز اينڊ ٽيڪسيشن کاتي کي هدايت ڪئي ته هو پنهنجي نارڪوٽڪس ڪنٽرول ونگ کي فعال بڻائي ۽ ضلعي پوليس ۽ اي اين ايف سان ويجها رابطا قائم ڪري. توهان وٽ انهن جي الڳ فورس آهي ۽ انهن کي منشيات جي اسمگلنگ ۽ پيڊلنگ کي روڪڻ لاءِ مقرر ڪيو وڃي.
