ڪراچي (رپورٽر ) ڪراچي جي مختلف علائقن ۾ ڦر دوران مذاحمت تي ھڪ نوجوان قتل ۽ 2 ڄڻا پڻ زخمي ٿي پيا. اتحاد ٽائون جھنگوي چوڪ احمد ميڊيڪل ڀرسان ڦر دوران مزاحمت تي نوجوان کي فائرنگ ڪري قتل ڪري جوابدار فرار ٿي ويا، اطلاع تي واقعي واري جاءِ تي پوليس پھچي مقتول جو لاش ضابطي ڪارروائي جي لاءِ سول اسپتال منتقل ڪيو ويو جتي مقتول جي لاش جي سڃاڻپ 20 سالن جي مزمل ولد عبدالمجيد جي نالي سان ٿي آهي، شروعاتي اطلاع موجب نوجوان دڪان بند ڪري وڃي رھيو ھو ته ان دوران ڦر دوران مزاحمت ڪرڻ تي فائرنگ ڪري کيس قتل ڪيو ويو آهي، ملير سٽي جي علائقي گلشن قادري سوسائٽي ابوبڪر مسجد ڀرسان فائرنگ جي واقعي ۾ 30 سالن جو ساجد زخمي ٿي پيو. موچڪو جي علائقي بلديا لڪي ٽول پلازا ڀرساه فائرنگ جي دوران ابرار ولد پيرو خان زخمي ٿيو.
