راڻيپور(رپورٽ: فياض حسين راڄپر ) فاطمه ڦرڙو ڪيس ۾ گرفتار ٿيل مک جوابدار اسد شاھ جي ڊرائيور اعجاز قاضي جو ڪيس به دهشتگردي ٽوڙ عدالت منتقل ٿي ويو، مبينا طور قتل ٿيل نينگري فاطمه ڦرڙو جي ڪيس ۾ مک جوابدار اسد شاھ جي ڊرائيور اعجاز قاضي کي پوليس جو رمانڊ پورو ٿيڻ بعد راڻي پور جي عدالت ۾ پيش ڪيو ويو. جتي پوليس جي آئي او پاران کيس جي وڌيڪ رمانڊ جي گھر ڪرڻ ۽ اي ٽي سي جا قلم لڳو ڪرڻ بعد جوڊيشنل مائجسٽريٽ راڻيپور جي عدالت پاران سندس جو ڪيس اي ٽي سي (دھشتگردي ٽوڙ) عدالت خيرپور ۾ منتقل ڪري ڇڏيو. جنھن بعد جوابدار اعجاز قاضي کي اڄ اي ٽي سي ڪورٽ خيرپور پيش ڪيو ويندو. واضح رھي ته سندس مٿان مک جوابدار بي بي حنا شاھ ۽ سندس پيءَ پير سيد فياض شاھ کي پنھنجي گاڏي ذريعي کين کي نامعلوم ھنڌ منتقل ڪرڻ جو ڪيس داخل اٿيس.
