چترال ۾ دهشتگردي جا وڌندڙ واقعا افسوسناڪ آهن: سينيٽر مشتاق احمد

اسلام آباد(م ڊ) جماعت اسلامي جي سينيٽر مشتاق احمد خان چيو آهي ته چترال ۾ دهشتگردي جا واقعا انتهائي افسوسناڪ آهن، ان جي سخت لفظن ۾ مذمت ڪيون ٿا. حڪومت ۽ اسٽيبلشمينٽ جي غلط پاليسين جي ڪري، خاص ڪري خيبرپختونخواه گذريل 20 سالن کان جنگ جي شعلن هيٺ آهي. چترال جهڙي پرامن ضلعي جي امن کي تباهه ڪرڻ ۽ دهشتگردي، بم ڌماڪن، ٽارگيٽ ڪلنگ ۽ ڀتا خوري جو ڪاروبار چترال تائين ڦهلائڻ جون سازشون ڪيون پيون وڃن،هن چيو ته چترال جي عوام سان گڏ بيٺو آهيان چترال جا ماڻهو پرامن ۽ باوقار آهن ۽ اهي چترال جي امن ۽ حقن لاءِ متحد ۽ منظم طريقي سان ڪوششون ڪندا. مان صوبائي ۽ وفاقي حڪومت کي گذارش ٿو ڪريان ته چترال ۾ امن کي هر قيمت تي يقيني بڻايو وڃي ۽ سرحد پار دهشتگردي کي روڪيو وڃي. چترال جا ماڻهو امن امان لاءِ ٻاهر نڪري آيا. عوامي مزاحمت ذريعي ئي حڪومتن کان امن حاصل ڪري سگهجي ٿو.

 

You might also like
Leave A Reply

Your email address will not be published.