ڪراچي( م ڊ) تحريڪ انصاف جي اڳواڻ ۽ اڳوڻي وزير حماد اظهر سوشل ميڊيا تي ردعمل ڏيندي چيو ته ڊالر به 305 جو آهي ۽ پيٽرول به. مارچ 2022 کان ڪيترو تبديل ٿيو آهي؟ جنهن ريت ڳالهيون هلي رهيون آهن، چونڊون 90 بدران 60 ڏينهن ۾ ٿيڻ گهرجن. نگران حڪومت به پي ڊي ايم وانگر بيڪار آهي. ملڪ کي فوري طور تي غير يقيني ۽ عدم استحڪام مان ڪڍڻو پوندو، ٻي صورت ۾ معاشي ۽ سياسي انتشار جو خطرو آهي. ايڪس تي اڳوڻي ٽوئٽر صارف شمع جوڻيجو لکي ٿو ته بجلي جي بلن ۾ ڪا به ڪسر نه ڇڏي هئي ۽ هاڻي پيٽرول ۽ ڊيزل جي اگهن ۾ اضافو غريبن کي وڌيڪ تنگ ڪري ڇڏيندو.
