ڪراچي (م ڊ) ملڪ جو عوام بجلي بلن ۾ رليف جي انتظار ۾ آهي پر بجلي وڌيڪ مهانگي ٿيڻ جو خدشو ڏيکاريو ويو آهي، ملڪ جي مختلف شهرن ۾ ڪيترن ئي ڏينهن کان بجلي جا بل وڌيڪ اچڻ خلاف احتجاج ٿي رهيا آهن، رليف جي انتظار ۾ ويٺل عوام جي لاءِ بُري خبر آهي ته بجلي جي قيمت ۾ وڌيڪ اضافي جو خدشو آهي، سينٽرل پاور پرچيزنگ ايجنسي سي پي پي اي بجلي جي قيمت ۾ 2 رپيا 7 پئسا في يونٽ واڌ جي درخواست ڪئي آهي جنهن تي نيپرا ۾ ٻڌڻي اڄ ٿيندي، ذريعن جو چوڻ آهي ته جيڪڏهن نيپرا سي پي پي اي جي درخواست منظور ڪئي ته ان سان صارفين مٿان 35 ارب رپين جو بار پوندو.
