اسلام آباد(م ڊ) سيڪريٽ ايڪٽ تحت قائم ڪيل اسپيشل ڪورٽ سائيفر ڪيس ۾ گرفتار پي ٽي آءِ اڳواڻ شاهه محمود قريشي کي وڌيڪ ٽن ڏينهن جي جسماني ريمانڊ تي ايف آءِ اي حوالي ڪري ڇڏيو آهي. سائيفر ڪيس ۾ گرفتار شاهه محمود قريشي کي ايف آءِ اي جسماني ريمانڊ پورو ٿيڻ بعد اسپيشل ڪورٽ ۾ پيش ڪيو. ايف آءِ اي طرفان جاچ لاءِ شاهه محمود قريشي کي وڌيڪ ريمانڊ تي ڏيڻ جي استدعا ڪئي وئي. جج ابوالحسنات محمد ذوالقرنين سائيفر ڪيس جي اِن ڪيمرا ٻڌڻي هلائي.
