ڪراچي (رپورٽر ) ڪراچي ۾ نوجوان ڪار جو ٽڪر هڻندڙ ڪار سنڌ جي اهم شخصيت جي ڌيءَ نڪتي آهي ، ڪراچي جي علائقي ڊفينس ۾ 15 آگسٽ تي خوني ٽريفڪ حادثي ۾ نوجوان عبدالله فوت ٿي ويو، حادثي جي سي سي ٽي وي فوٽيج ۽ ٻيا تفصيل سامهون اچي ويا آهن، ذريعن جو چوڻ آهي ته گاڏي نمبر بي ٽي ڪي 255 مومل اعجاز جي نالي تي رجسٽرڊ آهي، حادثي وقت ڪار کي اهم شخصيت جو پٽ هلائي رهيو هو، پوليس اختيارين جو چوڻ آهي ته حادثي بعد ڊرائيور موقعي تان فرار ٿي ويو، منظر عام تي آيل فوٽيج ۾ تيز رفتار ڪار کي شهري جي موٽرسائيڪل مٿان چڙهندي ڏسي سگهجي ٿو، پوليس اختيارين جو چوڻ آهي ته ڪار کي تحويل ۾ وٺي ڇڏيو آهي، جڏهن ته حادثي جو ڪيس مقتول عبدالله جي وارثن جي فرياد تي داخل ڪيو ويو آهي.
