خيرپور(رپورٽ :مختيار ڦلپوٽو) راڻيپور ۾ بااثر جي گهر اندر تشدد بعد بيدرديءَ سان قتل ٿيل معصوم فاطمه ڦرڙو جي واقعي خلاف خيرپور ۾ سماجي اڳواڻ سوشل ورڪر ميڊم شهناز شيخ جي اڳواڻي ۾ سوين عورتن پاران احتجاجي مظاهرو ڪري ريلي ڪڍي ڌرڻو هنيو ويو ۽ سخت نعريبازي پڻ ڪئي وئي احتجاج جي اڳواڻي ميڊم شهناز شيخ ،ساجدا جمالي سنگيتا گوپانگ ۽ ٻيون ڪري رهيون هيون،ميڊم شھناز شيخ صحافين سان ڳالهائيندي چيو ته افسوس آھي ته اسان جي سنڌ ۾ نياڻين جي عزت ڪئي ويندي آهي پر ھڪ بااثر پير سنڌ جي نياڻي قتل ڪيو آھن ھنن چيو ته واقعي ۾ ملوث جوابدارن کي عبرتناڪ سزا ڏني وڃي.
