اسلام آباد (م ڊ) صدر ڊاڪٽر عارف علوي پنهنجي سيڪريٽري وقار احمد کي عهدي تان هٽائڻ جي سفارش ڪري ڇڏي، ان سلسلي ۾ ايوانِ صدر طرفان وزيرِاعظم جي پرنسپل سيڪريٽري ڏانهن خط لکيو ويو آهي. ايوانِ صدر وزيرِ اعظم جي پرنسپل ڏانهن لکيل خط ۾ چيو آهي ته صدر جي سيڪريٽري وقار احمد جي خدمتن جي وڌيڪ ضرورت ناهي. خط ۾ وقار احمد جي جاءِ تي 22 هين گريڊ جي آفيسر حميرا احمد کي صدر جي سيڪريٽري مقرر ڪرڻ جي سفارش ڪئي وئي آهي. ايوان صدر موجب،ڪالهه واري بيان کي نظر ۾رکندي ايوانِ صدر سيڪريٽري جون خدمتون اسٽيبلشمينٽ ڊويزن کي واپس ڪيون ويون آهن.
