ڪراچي( رپورٽر ) ڪراچي جي اتحاد ٽائون ٿاڻي جي حد بلديا ٽائون جي علائقي اتحاد ٽائون ۾ هٿياربندن فائرنگ ڪري پيپلز پارٽي جي علائقائي عهديدار شوڪت حماد کي قتل ڪري ڇڏيوايس ايس پي ڪياماڙي رٽائرڊ ڪئپٽن فيضان علي جو چوڻ آهي ته مقتول سياسي پارٽي جو علائقائي عهديدار هو، واقعو شروعاتي طور تي ڦر دوران مزاحمت جو لڳي ٿو، مقتول گهر ٻاهران ويهندو هو، . جوابدارن ڦر جي ڪوشش ڪئي، مزاحمت ڪرڻ تي مقتول کي مٿي ۽ سيني تي 3 گوليون لڳيون. پوليس واقعي واري هنڌ تان شاهديون ۽ گوليون گڏ ڪري ورتيون آهن، جڏهن ته قتل جي سي سي ٽي وي فوٽيج پڻ حاصل ڪئي پئي وڃي.
