اسلام آباد(م ڊ) پاڪستان پيپلز پارٽي اليڪشن ڪميشن کان چونڊون وقت تي ڪرائڻ جو مطالبو ڪري ڇڏيو آهي.پيپلزپارٽي جي نائب صدر سينيٽر شيري رحمان طرفان جاري ڪيل بيان ۾ چيو ويو آهي ته اليڪشن ڪميشن جو تازو اعلان ظاهر ڪري ٿو ته نئين آدم شماري موجب تڪ بندين ۾ 4 مهينا لڳندا، هي اعلان هڪ آهي. اسان لاءِ پريشاني ۽ مايوسي جو سبب آهي شيري رحمان چيو ته پاڪستان پيپلز پارٽي مطالبو ڪري ٿي ته اليڪشن ڪميشن پنهنجي فيصلي ۽ جاري ڪيل شيڊول تي سنجيدگي سان نظرثاني ڪري.سندس چوڻ هو ته اسيمبليون جلد ٽوڙڻ جو مقصد اليڪشن ڪميشن کي تيارين لاءِ وڌ کان وڌ وقت ڏيڻ هو، اجلاس ۾ اتفاق ڪيو ويو ته موجوده سيٽن کي تبديل نه ڪيو ويندو.شيري رحمان چيو ته ڊجيٽل مردم شماري تي جائز تحفظات جي باوجود اسان نئين آدم شماري جي بنياد تي عام چونڊون ڪرائڻ تي اتفاق ڪيو آهي. جيئن ته موجوده قومي ۽ صوبائي سيٽن ۾ ڪا تبديلي نه ايندي، تڪبندين جو عمل جلد مڪمل ڪيو وڃي.سندس چوڻ هو ته چونڊن ۾ ڪنهن به قسم جي دير سان ملڪ ۾ سياسي غير يقيني صورتحال ۽ عدم استحڪام پيدا ٿيندو، جنهن جو ملڪ متحمل نه ٿي سگهي، هنن اليڪشن ڪميشن کان مطالبو ڪيو ته آئين جي آرٽيڪل 224 موجب چونڊن جي تاريخ جو اعلان ڪيو وڃي.
