اسلام آباد(بيورو رپورٽ) حڪومت پيٽرول پمپ ۽ ڊيلرز جي مسئلن کي حل ڪرڻ جي يقين ڏياري، پيٽرول پمپ اونرز ايسوسيئيشن هڙتال جو سڏ واپس ورتوآهي.پيٽرول پمپ اونرز ايسوسيئيشن ۽ ڊيلرز ايسوسيئيشن هڙتال جو سڏ واپس وٺي ڇڏيو آهي. پاڪستان پيٽروليم ڊيلرز ايسوسيئيشن پاران جاري ڪيل بيان ۾ چيو ويو آهي ته هڙتال جو سڏ ملتوي ڪيو ويو آهي، حڪومت پيٽرول ڊيلرز جي مارجن کي وڌائڻ جي يقين ڏياريو آهي، اسان حڪومت جي يقين ڏياري تي احتجاج جو سڏ ملتوي ڪيو.پيٽرول پمپ اونرز ايسوسيئيشن جي اطلاعات سيڪريٽري نديم خان چيو ته اسان کي يقين ڏياريو ويو آهي ته اسان جا مطالبا پورا ڪيا ويندا، اميد آهي ته پمپ مالڪن جي ڪميشن جو مسئلو ٻن هفتن ۾ حل ٿي ويندو، روزاني ريٽ سسٽم کي به ٻن هفتن لاءِ آزمائشي بنيادن تي هلائڻ لاءِ چيو ويو آهي. پيٽروليم جي وفاقي وزير علي پرويز ملڪ چيو ته پيٽرول پمپ ۽ ڊيلرز جا مسئلا ٻن هفتن ۾ حل ڪرڻ جو يقين ڏياريو ويو آهي، جيڪڏهن مسئلا ٻن هفتن ۾ حل نه ٿيا ته اسان انهن سان ٻيهر ويهنداسين ۽ انهن کي حل ڪرڻ جي ڪوشش ڪنداسين. علي پرويز ملڪ چيو ته اسان نٿا چاهيون ته ڪو اسان تي غير قانوني منافع خوري ۾ ڪردار ادا ڪرڻ جو الزام لڳائي. جيئن ئي عالمي سطح تي پيٽرول جي قيمت وڌي، تيئن ئي اها گهٽجي وئي. ساڳئي فارمولي تحت شفاف طريقي سان فائدو جلد کان جلد ماڻهن تائين واپس منتقل ڪيو ويندو. پيٽرول پمپ اونرز ايسوسيئيشن موجب، حڪومت چيو آهي ته پيٽرول ۽ ڊيزل جي قيمتن جو روزانو تعين 15 ڏينهن لاءِ آزمائشي بنيادن تي آهي.ميمبر پيٽروليم ڊيلرز راجا وسيم چيو ته حڪومت موجب، پيٽرول ۽ ڊيزل جي قيمتن جو روزانو تعين 15 ڏينهن لاءِ آزمائشي بنيادن تي آهي.
