اسلام آباد(بيورو رپورٽ) ٽڪ ٽاڪر ثنا يوسف قتل ڪيس ۾ جوابدار کي موت جي سزا ٻڌائي وئي آهي. اسلام آباد جي ضلعي ۽ سيشن عدالتن، ٽڪ ٽاڪ ڪندڙ ثنا يوسف قتل ڪيس ۾ جوابدار عمر حيات کي موت جي سزا ٻڌائي. اسلام آباد جي ايڊيشنل سيشن جج، افضل مجوڪا، ثنا يوسف قتل ڪيس ۾ محفوظ ڪيل فيصلو ٻڌايو. عدالت چيو ته ڏوهه ثابت ٿيڻ تي جوابدار عمر حيات کي موت جي سزا ٻڌائي وئي آهي ، ان کان علاوه، جوابدار عمر حيات کي ٻين شقن تحت به ڏنڊ لڳايو ويو. عدالت عمر حيات کي ڪل 30 سال قيد ۽ 2.4 ملين رپيا ڏنڊ جي سزا ٻڌائي.عمر حيات کي ڪيس جي ٻين 3 حصن تحت 10 سال ۽ 10 سال قيد جي سزا ٻڌائي وئي. ڦرلٽ جي سيڪشن تحت 10 ۽ جوابدار کي گهر ڀڃڻ جي سيڪشن تحت به 10 سال قيد جي سزا ٻڌائي وئي.
