اسلام آباد(ويب ڊيسڪ) وزيراعظم شهباز شريف 23 کان 25 مئي تائين چين جو دورو ڪندو.
وزيراعظم شهباز شريف چين جي دوري دوران چيني صدر شي جن پنگ ۽ وزيراعظم لي چيانگ سان ملاقاتون ڪندو.
ان دوري دوران شهباز شريف پاڪستان ۽ چين جي لاڳاپن جا 75 سال مڪمل ٿيڻ جي تقريبن ۾ به شرڪت ڪندو.
شهباز شريف جي دوري دوران ٻنهي ملڪن وچ ۾ مختلف معاهدن ۽ مفاهمتي يادداشتن تي صحيحون ٿيڻ جو امڪان پڻ آهي.
ان کانسواءِ چين جي دوري ۾ سي پيڪ، واپار، سيڙپڪاري ۽ ٻطرفي سهڪار تي اهم ڳالهه ٻولهه ڪئي ويندي.
